పడమటి పయనం

జననమరణాలు ఆడే ఆటే ఈ జీవితం,
ఆ ఆటని నడిపే పావులే ఈ ఆశ నిరాశలు.

ఓటమిలోనుండే గెలుపు పుట్టేది,
గెలుపు అంచుల్లొనే ఓటమి ఉనికి ఉండేది.
అందుకే మిత్రమా ! నువ్వు గెలిచినా ఓడినట్టే..
ఓడినా గెలిచినట్టే..!

గెలుపుకోసం మనం నిరాశను దాటి ఆశను చేరాలనుకుంటాం,
కాని ఆ ఆశకి ఆవల ఉండేది నిరాశా మిత్రుని ఓటమి ఎదురుచూపులే.
ఆశా నిరాశలు నిన్ను ఓటమికి దగ్గర చేసే వాహనాలే!
నీ పయనం గెలుపోటముల ఛట్రం లో ఆగిపోకుడదు,
ఈ రెంటిని గెలిచే స్థైర్యం నీ గమ్యం అవ్వాలి !

అస్తమించే సూర్యుని వెలుగు చివరనే చీకట్ చిగురించేది,
నీ గమ్యం వెలుగు చీకట్లు కాదు ఆ రెంటి జన్మస్థలం.
ఆశకి అడుగు దూరంలోనే నిరాశ నవ్వుతూ ఉంటుంది,
ఆ రెండిటినీ వదిలి ఆ నవ్వుని మాత్రం నీతో ఉంచుకో.

నిరాశ నిన్ను కారుమబ్బులా కమ్మినప్పుడు,
ఓటమి నిన్ను జడివానలా తడిపేస్తుంటే,
ఆ రెండిటి ఉరుముల మెరుపులకు చలించకు.
నిరాశ ఉరుముల కన్నా ఆశ ఇచ్చే ధైర్యం గొప్పది,
దాన్ని ఒడిసి పట్టుకో,
ఓటమి మెరుపుల్లో నీ గమ్యానికి దారి వెతుక్కో !!


                                             ఉన్నత చదువులకోసం వేరే దేశం వెళ్ళిన నా మిత్రుని కోసం....